陳國坤撲奶粉錢 忍痛捱打
榮升父親的陳國坤早前拍攝電影時不慎受傷，導致腳踭骨裂，但家有幼子的他為賺奶粉錢頂硬上，未完全康復便投入另一部電影工作，且拍攝動作戲時極少出動替身，認真老竇唔易做！
藝人陳國坤、海俊傑、何華超及新人談善言，日前於油麻地果欄拍攝新片《古惑囝囝》（暫名）一場黑幫廝殺的戲份，劇組動用了數十名持水喉通的臨時演員參演，導演一聲令下現場即「刀光劍影」，叫囂聲不絕，場面幾可亂真！
追多個湊成好字
男主角陳國坤早前拍攝另一部電影時不慎令腳踭骨裂，至今仍在康復中，但也盡量親身上陣，僅部分動作場面出動替身，他無奈苦笑說：「本來有部戲9月開工，依家睇嚟要延至10月。」談到片中和小童星合作，與黃伊汶育有一子的他即父愛大發：「諗起屋企個陳真囉！佢係我御用模特兒，個樣日日唔同，所以日日都幫佢影相。（追多個？）最好湊成個好字啦！」
談善言慘遭拖行
影齡尚淺的談善言當晚趴在地上被臨時演員拖行，我見猶憐，她說：「本來仲要拖行耐啲，導演唔想我咁熱、咁辛苦，所以將路程縮短。拍打戲我真係經驗唔夠，試過唔小心打親對手。」而海俊傑原來已移居北京，他透露很適應當地環境，且已建立社交群。
文：影視組