《玄學星相》：莊端兒寫真戰轉運冇得輸

陳子才與主持人Niki帶領觀眾探討玄學之奧妙。

《東網巨星》娛樂節目《玄學星相》播出後反應熱烈，深受觀眾歡迎。最新一集就由堪輿學家陳子才，以玄學角度全面分析今年寫真集大戰。孫慧雪、崔碧珈及莊端兒今年首推寫真集，三位有料之人隔「胸」對戰，究竟誰會勝出？陳子才分析指：「其實莊端兒跑出嘅機會高啲，因為佢行正大運，今年由唔行運轉做行運，至於另外兩位唔係行好着數嘅運，只係小運嚟，所以相對之下，梗係大運着數過小運。」

張致恒危危乎

此外，講到莊端兒與男友張致恒感情穩定，近日卻傳出分訊，陳子才指兩人有可能感情生變，情況不太樂觀：「因為莊端兒嘅『夫妻宮』有『相刑』，即係容易出現爭執、意見不合，甚至分手。佢哋可能仲藕斷絲連，正處於一個拉扯嘅階段，但莊端兒嘅異性緣非常強，變相張致恒會面臨好多對手，加上張致恒細過莊端兒少少，但睇番莊端兒嘅命盤，佢嘅另一半唔係細過佢，所以佢哋嘅情況唔太樂觀。」想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！

崔碧珈的G Cup最為煞食，有不少支持者。	無綫小花孫慧雪雖然年紀稍長，不過一副童顏仍惹人憐愛。	莊端兒行正大運，今年出寫真可謂一鳴驚人。

網址：http://goo.gl/zn23bs

文：專案組