李璧琦搞冷門生意熱血搬貨

最近演《潮流教主》出位的李璧琦（Becky），為殺出另一條血路與朋友合資創業，她捨棄大路市場，攻入冷門行列，創立冷氣機導風擋生意。為生意落力瞓身的Becky，即使大熱天時仍在街頭搬貨送貨兼擔擔抬抬，放下身段做「咕喱」，事事親力親為，在所不計，她認為力不到不為財，是做生意的首要條件！

出力搬
李璧琦當街搬貨，睇嚟都幾吃力！

李璧琦（Becky）憑處境劇《誰家灶頭無煙火》嶄露頭角，及後在《星夢傳奇》中獻唱而為人熟悉，更擔任明珠台節目《港生活。港享受》主持，雖然不時要在幕前演出，不過諗頭多多的Becky，今年與兩位朋友共合資七位數字，開設冷氣機導風擋專賣店，正所謂力不到不為財，Becky在公司上至行政下至身水身汗搬貨亦親力親為在所不計。

申請專利權防抄襲

藝人創業離不開飲食及時裝生意，冷氣機導風擋生意可謂十分冷門，Becky說：「我本身好怕凍，平時去親餐廳食飯，都覺得冷氣機吹出嚟嘅風好似吹住我咁，成日都調位，都覺得唔好意思，所以我同拍檔搞呢個生意，希望幫到人亦幫自己！」為免有同行競爭，她早已申請專利權，免得有人抄襲其製成品。

搏命拉
咁大推貨，難怪李璧琦要兩隻手先拉到！

李璧琦搞冷氣機導風擋生意做老闆娘！

冷氣機導風擋

薄利多銷反應好

雖然暫時只集中於網上宣傳，不過Becky表示反應不俗，訂單接踵而來，老人院及學校是首選推薦對象：「依家已經好多間向我哋訂，反應好好。其次都係餐廳同辦公室，吸納更多客源。」現時Becky在葵興區設立辦公室及貨倉，更設有送貨車隊，方便出貨。Becky坦言冷氣機導風擋價錢平民化，由數十元到幾百元不等：「我哋價錢盡量set得平啲，吸引多啲人去買。」她指導風擋適合配搭不同冷氣機使用，配合不同需要。