連詩雅個唱玩角色扮演
歌手連詩雅昨日到迪士尼主題公園為小熊Duffy主題商店做開幕嘉賓，講到演唱會不足三個星期開騷，她說：「呢排因心情緊張瞓唔着，不過嚟到呢度，自己即刻童心未泯，好開心超興奮，每次嚟到迪士尼就好似去咗另一個世界，壓力都全消。」
問到可有興趣cosplay扮卡通人物？連詩雅笑言：「一嚟到就即刻cosplay自己，帶咗個粉紅色耳仔喺頭度，仲特登着粉紅色襯番呢個公仔造型，至於自己嘅演唱會入面都有角色扮演。（有性感造型？）係意識上性感，造型就唔係性感。」曾揚言想請偶像黎明做演唱會嘉賓的她被問進展如何？她坦言：「未呀，仲等緊，不過本身都有一個定咗嘅神秘嘉賓，萬一真係搵唔到，其實我嘅演唱會都係好豐富嘅。」