張秀文賣cute 陳婉衡操靚股迎戰
無綫兩位「新咪神」張秀文及陳婉衡昨日出席動漫節活動，齊齊騷胸晒腿。陳婉衡近期頻頻性感示人兼曝光率高，秀文無懼被狙擊，揚言身形未能超越對方，惟有靠Cute樣取勝，陳婉衡則笑言會努力keep住馬甲線及狂操美臀來迎戰。
張秀文、陳婉衡（Alycia）及林泳淘昨日出席「第十八屆香港動漫電玩節」揭幕記者會，秀文及Alycia大晒三吋事業線，相當吸睛。三女落力宣傳myTV SUPER的最新動畫點播節目，秀文表示自小已是漫畫迷，泳淘亦稱試過玩cosplay，其男性打扮更被讚靚仔。
張秀文最怕瘦
Alycia近期曝光率甚高，經常性感示人，大晒E Cup上圍及弗爆身形，令人印象深刻，令同是「咪神」的秀文風頭被蓋。秀文接受電話訪問時表示：「大家感覺都唔同，Alycia強壯啲似女戰士，我唔可以太瘦，塊面太凹仲醜樣，又乾喎！所以都係行可愛路線好啲。（放棄？）又唔係，因為對腳易生肌肉，所以我少做劇烈運動，反而行樓梯多。講真，我好鍾意Alycia身形，但我做唔到佢嘅效果，所以都好佩服佢嘅努力。其實我食咁多嘢都唔肥已經滿足，唔可以要求太高。」
陳婉衡唔敢懶
對於秀文賣cute樣棄索爆身形，Alycia表示要更努力keep住幾條得來不易的馬甲線：「我發覺只要懶惰幾日就會冇咗，依家都有隔日做gym，每次一個鐘同做唔同部位，冇時間就喺屋企做抬腿動作。重點想操pat pat，好想擁有外國人pat pat，好靚。咁我認同同秀文係唔同路線，佢女人味啲。」
文：影視組