何傲兒戲癮大 抓拍內地劇

傲兒透露早前在佛山拍攝網絡電影演女鬼，最大挑戰是要講普通話對白，她希望可繼續到內地拍劇，問是否酬勞豐厚？她說：「都係公司傾，以前喺舊公司（TVB）好多拍劇機會，依家得來不易，我更覺得原來好鍾意演戲。」提到一身性感打扮，她透露是家姐傲芝安排，問到是否接受性感演出？她說：「我尺度不大不細，睇劇情，當然太大膽都未得住。」此外，談及早前一拖二遊主題樂園，她笑言跟兩男絕無發展可能，希望找到「惜花之人」。

JW踢走腩肉

至於JW則忙於準備下月底舉行的演唱會，壓力甚大：「始終係第一次，要努力練氣、練身形。」現場見她Fit了不少，她表示每天做運動：「遊船河坐低終於唔驚有肚腩！（以前有？）朝早未食嘢好啲，下午通常有兩舊肉。（馬甲線？）未有，但叫做前有啲後又有啲。（歌衫性感？）想有女人味，都過咗25歲。」談及選港姐的好友魏韵芝順利晉級，JW表示暫未能慶祝：「大家都未食得嘢住，我要開Show，佢選美，等完晒先約食飯。（睇好佢入三甲？）唔好咁講，太大壓力，依家入到20強都開心，我叫佢有信心地Have Fun。」

文：影視組