陳敏之谷奶升Cup自誇好揸

藝人陳敏之、梁烈唯及莊思敏等前晚在將軍澳電視城為無綫節目《Sunday好戲王》錄影最後一集，懷孕四個多月的敏之透露，拍畢節目後便正式安胎，又希望明年生B後為節目添食。她又興奮自爆佗B令上圍升Cup，揚言要「封腿晒線」！她笑說：「雖然會胸痛，但好開心有事業線！（老公都開心？）佢話感覺似陌生人。（升咗幾Cup？）冇度，但我覺得好好揸手！大家唔好介意，我佗B嗰陣會盡情暴露着低胸衫，唔會露腿喇！」她又表示佗B後勁愛食牛肉：「好似有『瘋牛症』咁，好鍾意食牛肉，我會偷食薯片同飲檸檬茶，好似上癮咁，食少少就開心到反白眼！」

唯唯密密做儲首期

至於早前在微博留言「抓Job」的唯唯否認財困，他解釋因有工作押後，為免浪費暑假檔期才在網上留言。早前默認太太有喜的他揚言要努力搵「奶粉錢」，又渴望儲首期為家人置業。

敏之講起身材勁興奮，笑言連老公都覺得陌生！	森美肉緊地護送大肚敏之上台。	唯唯挺胸收腹與莊思敏合照，想增高呀？

森美鼓勵追多個

至於敏之拍檔森美昨日出席節目慰勞宴時，自爆在尾集被安德尊逼食Wasabi及孭起「細細粒」陳嘉佳！談到敏之希望生B後再合作，森美笑指對方屆時應「忍唔住」追B，未必得閒再拍：「我驚佢忍唔住再生，好事成雙嘛！好似我咁生咗一個，覺得小朋友孤單，需要兄弟姊妹，所以又生。」他正說服敏之追B，笑指屆時會見證敏之由靚女蛻變成師奶：「我講佢知生第二個嘅好處，但講掂佢老公先。」

慰勞宴上，莊思敏（左二）與張美妮爭摸敏之的巨肚沾旺氣。

合作多年的拍檔泰臣與「蝦頭」，連Chok甫都特別有默契。

文：影視組