張家盈爛瞓見「紅」
《2016香港小姐競選》20位候選佳麗昨日於上環拍攝廣告，一眾準港姐演繹不同角色，期間突然下雨，馮盈盈及阮嘉敏等幾位佳麗即匿在一把傘下並肩慢行，盡顯友誼。一眾佳麗各出奇謀騷腰露腿，相當吸睛，當中23歲的張家盈（Vanessa）搏到盡，穿上露肩及露臍裝上陣，不過肚上離奇出現一道紅印，雖然甚為礙眼但另類搶鏡。
出鏡前照鏡照足三秒的Vanessa尷尬說：「可能因為頭先喺巴士瞓着咗，一陣會冇o架喇！（要留意吓？）係！要改善坐姿，同埋坐車唔好瞓！」廣告中飾演上班族的她，因做錯事被掟紙，被問是否因打扮太性感所致？她笑稱可能不夠性感所以被罰，她又認為性感是靠氣質而非露多少，問可有演過戲？她說：「有興趣，但冇經驗，只係剛剛畢業。」