Daisy導彈肉搏蛇腰馮盈盈
兩大熱門候選港姐佳麗「甫士王」馮盈盈（Crystal）及「蒙古郡主」代蓮曦丹美（Daisy）昨日現身拍攝廣告，同為大熱兼被安排企正隔籬，難免被比較，Crystal以黑色緊身裙晒蛇腰及Fit爆身材，旁邊的Daisy上身包到冚仍谷出巨胸，配超短熱褲，一對導彈更「瞄準」對正Crystal。
Crystal表示今次走優雅斯文路線，問是否真實性格？她說：「我斯文、活潑都有，視乎要求，今日都有啲內心戲。（之前拍開片？）朋友當娛樂玩算唔算？」她透露進入20強後心情變得更緊張，知道之後的行程緊密而且競爭更激烈！問到男友可有打氣？她說：「親友為我高興，唔止佢，個個朋友都發訊息恭喜我。（尋晚慶祝？）冇，今日一早工作，唔敢放肆，反而不停諗點樣做好啲。」談到熱門的「升Cup陳凱琳」鄺美祺（Maggie）被foul，Crystal說：「都要接受，係唔捨得。」