陳彥行極罕晒bra 靠中醫瘦身

藝人陳彥行（行姐）前晚以黑色透視裝上陣，透出黑bra大騷身材。她表示因近日修身成功，不介意以性感示人﹕「前年同上年勁肥，應該係賀爾蒙失調同水腫。最近搬咗屋，可能間屋啱我住，去咗啲水腫。」她自言一直有看中醫調理身體，寧靠中醫減肥也不會食西藥：「尤其之前睇到報道話有傳羅明珠係因食西藥減肥而死，我唔知係咪真，但覺得好可惜。」現時120多磅的行姐，表示目標減到105磅：「做娛樂圈呢行，係要瘦要靚，但係咪一定要瘦到唔夠一百磅先叫靚？」其後更愈說愈激動﹕「女藝人嘅終生事業係咪就係減肥？要靚唔要命？我覺得健康重要過一切，如果為咗減肥而冇咗寶貴嘅生命，好可惜。」