李嘉欣為幼稚嘢與陳善之開拖
女星李嘉欣昨日往書展捧前經理人陳善之的新書場，同場還有陳玉蓮、陳可辛、葉家寶等。嘉欣表示陳善之已擔任其經理人二十多年，最欣賞對方率直個性，雖然二人亦曾鬧交，但都只是為了幼稚事情，她說：「我唔好意思話佢幼稚，大家都會拎出嚟講，當時會嬲，但係好雞毛蒜皮，我係心入面唔可以有個結嘅人。（冷戰幾耐？）三、四個月。（邊個低頭？）我都會嘅，自己有啲嘢唔成熟，佢會搵話題大家講番，對事，唔係對人。」
而陳善之則表示身為經理人會事事以藝人為先，無論黎明或李嘉欣都是講完後就不會翻舊帳的藝人。提到曾傳與黎明不和，他表示：「佢細心，我大意。係傳，但我哋唔會解釋，我好低調，唔係嘅嘢，講都嘥氣。」提到他形容陳玉蓮為最好的戀人兼朋友，他笑言：「我係獨身主義者，如果我會結婚，我會追佢，覺得佢好靚、好可愛。」
