陳柏宇搲贊助擺酒

陳柏宇（Jason，圖）昨日出席商場活動，透露忙於籌備明年婚禮，更指龐大的結婚使費令他相當失落：「結婚戒指打咗6折都成6萬幾，去英國影婚紗相，連化妝、整頭、形象、攝影師等十幾人，包埋機票、住宿要20幾萬，仲未計酒席錢喎，希望搵到贊助幫補吓。（禮服是否同樣重本？）女友網上訂咗兩套婚紗，各套約7千元。（婚紗是否性感款式？）我覺得婚紗應該係高雅，唔係性感，性感應留番喺屋企囉，不過結婚一生人一次，由女友話事啦！」