Stephy晒事業線：畫落去o架！
鄧麗欣（Stephy）袋7位數字以醫療美容代言人身份，昨日現身銅鑼灣街頭舉行簽約儀式，身穿低胸、露背裙的她，大晒其A cup「平胸」，但出奇地胸口出現事業線，她自信地說：「咁爛船（都有三分釘），只貼咗乳貼，呢排係肥咗，係件衫嘅問題啫。（有事業線喎？）畫落去o架，講笑咋，再咁講唔敢咁着，大個女都畀大家睇吓！」
被摸胸嗌舒服
Stephy大膽分享被按胸及脫毛的經驗，指早前到外國做SPA時，因溝通出錯突然被摸胸：「按摩師一手按落我個胸度，初時覺得好尷尬，但習慣後又覺得幾舒服喎！」又說因代言人關係已試過全身脫毛療程，問脫比堅尼位時可感尷尬？她說：「唔會，又唔痛，都按摩過胸啦！」她自稱愛乾淨，以前是用剃刀去體毛。Stephy稱可接受着三點式泳衣拍廣告，但非與甩拖有關，並強調：「其實我內裏都好……專業。」更稱可視乎劇本而作配合，不會顧及男友感受而有避忌。
談及「死敵」傅穎今年推出寫真加散文集，Stephy稱不知情：「係咩？出書呀？咩類型？寫真？」問她可會買書支持？她頻說：「留番畀佢啲Fans買啦。」似乎拒為傅穎新作宣傳。
