陳豪肚腩當BB櫈

陳豪不介意子女曝光，但強調不會用他們作宣傳。

談及日前一家五口出巡晒幸福，阿Mo表示當日與老婆陳茵媺帶子女做身體檢查：「囡囡要打針。（有冇喊？）佢OK，反應快，恢復得好。」當日被拍得「肚凸凸」的他，昨日重現高瘦的Model身材，他笑言肚腩「快嚟快去」：「湊B會有啲肚腩，要畀佢哋坐嘛！但我都要收身，個車胎（肚腩）快嚟快去！」對於囡囡Camilla首次曝光即獲網民激讚可愛，阿Mo揚言不介意囡囡曝光，但表明不會用子女作宣傳：「影到冇所謂，我享受一家人周圍去。」又透露大仔梓燁與細仔浩鋒爭住錫錫妹妹，大仔更興奮到想跳上妹妹的BB床！

至於Maggie則透露忙於拍攝內地劇及準備在上海公演的舞台劇，並直言無綫有找她洽談其他劇集上的合作。

放大圖片	陳豪在劇中激嬲「老婆」邵美琪，現實中二人卻老友鬼鬼。