英皇藝人張致恒（Steven）與擁有35E導彈的模特兒女友莊端兒拍拖後，即修心養性勤奮工作，雖然早前傳出「分訊」，但Steven日前上載戒指照，似是向女友求婚！身在內地的他說：「有晚去食飯經過間銀器舖見到一對周星馳《西遊記》入面嘅頭箍戒指，入面寫住愛你一萬年，覺得幾好意頭，所以買咗一對送畀我愛嘅人。（送畀莊端兒？）你哋覺得係咪係囉！」
莊端兒前日出席寫真活動時暗寸他未買書支持，問到此舉是否想氹女友？Steven說：「唔關事，都話返嚟即刻掃貨。（佢叫你買200本？）2,000本都要掃！（你就係掃貨嗰個神秘人？）唔係，我都想知神秘人係邊個！」問到會否趁機求婚？他說：「求婚一定買鑽石戒指。（今次當係訂婚戒？）送定畀佢，等我有個希望，試吓個感覺先！」