每當我哋形容一位純真又可人嘅白滑美少女時，總喜歡以牛奶作為比喻。而能夠襯得上牛奶咁純嘅囡囡，林予絕對係其中之一。無可媲美嘅純情魅力，加上萌爆嘅表情，本來已經夠晒迷人，加上前凸後趷嘅身材，試問點可能唔拜倒佢裙下呢？
嚟自浙江嘅22歲寫真模特兒林予，英文名Milky，暱稱Milk楚楚，佢之所以同牛奶（Milk）扯上關係，除咗因為佢名字中嘅「予」同「乳」字讀音相同外，仲有係佢嘅性格同氣質都相當純品，猶如牛奶咁清純。不過憑住萌味同清純可愛，想喺寫真界中瞬間人氣爆發並唔足夠，要吸引眾人嘅目光，最重要係有一副火辣胴體，而阿妹三圍玲瓏浮凸，天生一副絕品身材，難得佢冇將美好身材收收埋埋，唔介意行性感路線，將迷人身段展現喺大家眼前，配合埋充滿陽光活力嘅表現，為大家帶嚟感官正能量。
如此出眾嘅外在條件，自然能夠喺寫真界獲得亮麗嘅成績，不論係眾籌旅拍定推出寫真作品，都獲得粉絲嘅支持。事實上，佢個人微博嘅粉絲接近10萬人，足見佢相當受歡迎，而活動範圍更涉足到平面媒體，又以商品模特兒身份拍攝平面廣告。此外，佢又經常喺各種電玩同商展活動中以Show Girl身份登場，睇嚟遲啲仲會有更多機會喺唔同嘅平台上見到佢嘅蹤影。
有人認為純情就等於笨，之但係阿妹佢一啲都唔笨，喺浙江傳媒學院畢業嘅佢，對於傳媒運作有認識之餘，對製作事務亦有深入嘅了解，最重要係佢腦筋靈活又聰明。事實上，佢唔單止係一位經驗豐富又專業嘅模特兒，亦係一位商界女強人，皆因佢除咗忙於模特兒工作外，又經常喺個人微博中為各種美容及化妝品進行推廣工作，配合埋個人用後心得，更具說服力。此外，佢開設網店售賣美容產品、韓風時裝同飾物，自己仲做埋生招牌，拍攝一系列商品照，絕對係有商業頭腦嘅萌女郎。須知道作為一位商界女強人，一定要有相當嘅胸襟至得，而佢正正做到呢點，對於別人嘅批評，或者面對其他人做錯嘢時，佢就會話：「不與傻瓜論長短！不拿別人的過錯來懲罰自己！」如此長遠嘅目光，睇嚟佢喺商界必定有一番作為。
出生地：浙江
身高：166cm
三圍：34、25、35
簡介：又要拍寫真，又要拍廣告，仲要兼顧埋網店生意，林予嘅生活真係忙到爆燈，難怪佢先後多次喺個人微博上暗示，自己嘅感情生活好空虛。不過作為佢嘅粉絲，又點會捨得佢畀男人呃吖？如果想全力支持阿妹，就要成為佢微博嘅粉絲啦！
網址：http://weibo.com/xiaoxiaoxiaomilk?refer_flag=1005050010_&is_hot=1
撰文：魂