JW瘋狂搣脂日做兩粒鐘健身
歌手JW（王灝兒）與樂壇組合新青年理髮廳昨日以大使身份出席太陽計劃活動，JW穿上露肩美人魚裝演繹美人魚音樂劇。受訪時，JW透露正為8月尾舉行的演唱會積極減肥，但仍對手臂及大髀不滿意，她說：「依家日日都做gym，每日做兩個鐘，做到咿嘩鬼叫！（有配合節食？）本身有嘅，但唔可以唔食嘢，如果唔係會冇power去做gym。」
至於籌備演唱會，JW指已如火如荼，下星期更開始排舞，她說：「我都未知排咩舞，對我來講都係一個surprise。（歌衫會性感？）唔會太性感，但係好有女人味會show到身材。」