何倍倩美國抖暑恨捉精靈
恒生新抱何倍倩昨日在活動中透露，善用以往修讀工商與金融知識，除了打理美容儀器外，開設了投資買賣公司，金額更高達千萬，既為女強人又要照顧家庭的她，趁暑假帶子女暢遊美國，最想竟然是玩熱爆手遊「捉精靈」！
何倍倩（Anina）昨日出席Moiselle旗艦店開幕活動，專誠前來為好友兼品牌太子爺陳栢熹（Harris）撐場，同場有周嘉儀、方健儀等，Anina大讚品牌的時裝用料及款式可媲美國際級市場，值得支持！
物業生意投資千萬
Anina透露現時正做美容儀器批發及投資公司生意：「投資公司係做物業（買賣），樣樣都有，我以前讀書都係讀Business同金融，所以希望投資做得更好，自己依家都有讀一啲課程，逼自己喺生意上有進步。」又透露公司會做不同類型的投資買賣，投資金額達七至八位數字以上。
Anina表示自己很貼近電子產品，更有留意日前推出的新app Apple Pay及熱爆的手機遊戲「Pokémon GO」，她說：「日日喺度等幾時有得下載，不過我今個星期會去美國，唔知喺美國下唔下載到。（去美國旅行？）同仔女放暑假去旅行輕鬆吓，所以希望下載到，可以同囝囝喺街捉吓精靈公仔。」
文：名人組