林韋瑩狗仔都識攻心計！

有「混血E神」之稱的林韋瑩（Monna，前名林宜芝）家中儼如動物園，共養了十隻狗、一隻貓和一隻鸚鵡。Monna稱早年為了幫「元老級」芝娃娃犬「矇矇」找個伴，於是增添了更多成員，豈料引發矇矇的妒忌心，不時上演《宮心計》：「矇矇不嬲都屙好大篤，佢就模仿其他狗仔屙細細篤，想嫁禍畀其他狗，令我懲罰佢哋，我以為狗仔好單純，估唔到妒忌心都幾重。」Monna笑言矇矇變成「大家姐」，令其他成員有樣學樣亂咁吠：「我發現狗仔嘅世界有階級觀念，原本Sexy同Hottie都唔吠，但跟住矇矇就學壞咗，搞到成屋狗一聽到門口有聲就吠！」