甄澤權街頭施魔法銀紙變香煙！

「街頭魔法王」甄澤權（Louis）早前與陳凱琳、林盛斌（Bob）等為無綫節目《街頭魔法王之魔王之王》到韓國拍攝外景，回港後意猶未盡，到韓國餐廳向食客表演自家製街頭魔術。看到一班女食客準備埋單，Louis上前向她們借了一張「紅衫魚」，並在銀紙上畫了一支香煙，隨即捲起一百蚊，再用口叼住它，以火機輕輕燒，竟然可以吹出白煙！最後他攤開完好無缺的紙幣還給食客時，她們發現本來畫在紙上的香煙消失不見，大感驚奇！

比賽嚴選「小魔王」

談到赴韓拍攝的趣事，Louis透露在跳蚤市場遇到當地人收保護費：「佢哋阻止我哋拍攝，好在阿Bob同翟威廉調停，畀咗少少錢擺平件事，大概30蚊港紙左右。」他又指透過節目與當地魔術師交流，驚喜發現當中有人曾收看其節目：「佢哋都好有特色，有個魔術師會去汗蒸幕表演，我覺得難度好高。」問會否收徒弟？他表示將來會有比賽揀選「小魔王」：「會教佢嘢，但要睇佢有冇天分、有冇心學，先至收佢做徒弟。」

眾人在韓國小朋友面前表演魔術，唔知甄澤權有冇物色到「小魔王」？	搞鬼的Bob一見宋仲基就話要扮，仲拉埋甄澤權落水！	翟威廉（左起）、甄澤權、Bob和陳凱琳早前齊齊到韓國拍攝魔術節目。

文：影視組

攝：劉智源

場地：NORAYO K.Cafe

化妝：Carol P. Wong