董敏莉開公司做月老

藝人董敏莉（Monie）最近與拍檔開設Speed Dating公司搞小生意，剛升呢人妻的她希望藉此幫助朋友：「好多朋友單身咗一段時間，我同合作Partner亦發現身邊朋友就算拍緊拖都會有解決唔到嘅感情問題，所以傾傾吓不如擴大嚟搞，想Form Group定期見面，每次都定個題目出嚟討論。」她透露5月首次舉行的活動很成功，其中一對男女參加者目前更處於了解階段，故她計劃本月底再度舉行。她透露投資了五位數在這盤生意上，老公亦很支持：「佢覺得有得做，都有叫佢周圍物色身邊男女，所以佢依家可以奉旨睇女仔。（擔心？）唔驚，對佢有信心。」另外，Monie現時亦重投DJ工作的懷抱，工作忙碌的她坦言少了時間陪老公兼無暇「造人」，但不心急生B。