ReVe七位數拍MV港式Oppa
香港樂壇再有男團出爐！名為ReVe的二人跳唱組合由來自澳洲的ABC陳子華（Cavan）及香港土生土長的劉瑞祈（Kay）組成，趁韓風仍吹得厲害，ReVe打正旗號騷舞功，公司豪花百萬製作頭炮新歌《What?》MV，玩火又爆牆，充滿「泡菜男」味道！
ReVe出道頭炮歌《What?》MV於7月初在網上平台率先曝光，在「零」知名度下，短短兩周已經成功引來逾萬點擊率，可見兩人有一定實力！據悉兩子去年已簽約夢想沙龍，並進行秘密練兵，期間曾「流放」到台灣接受音樂及舞蹈的地獄式訓練，並於今年獲公司選為2016重點力捧男團，不惜以七位數誓要為ReVe打造神話，《What?》找來金牌監製舒文出手，連場勁舞更是由台灣天王天后的御用排舞師大鈞操刀編排！
壓力變為推動力
《What?》MV於屯門的廢置廠房取景，首次拍MV的Cavan和Kay盡顯跳唱本領，其中Kay於火花前Chok樣晒舞技，Cavan則手持棒球棍Man爆打爆牆，兩人再聯同六位舞蹈員跳出超強韓式節奏舞步，相當有型！對於初嘗拍MV滋味，兩人笑說：「今日終於知咩叫辛苦，啱啱Kay喺大團火前面跳舞，Cavan就要將房入面嘅嘢全部打爛，要拍足十幾個鐘，除咗體力，精神都好吃力。」談到公司用七位數力捧，可感壓力？他們說：「壓力梗有，但適當嘅壓力反而係推動力。」
虛心接受批評
問MV推出後，可擔心網民肆意批評？ReVe說：「我哋會分辨得出邊啲係善意，邊啲係惡意，應該要改善嘅地方都會接受。」原來Cavan和Kay未組成ReVe前互不相識，來港發展前曾在韓國受訓的Cavan說：「因為鍾意跳舞，所以專登去韓國學跳舞同韓文，原先打算返澳洲入大學，但有次嚟香港玩就遇上咗依家嘅公司，仲幫我實現做歌手嘅夢。」
文：音樂組
攝：黎志輝