羅嘉良銘記教唱 綵排變敍舊
歌詞大師盧國沾（沾Sir）將於明日開始在紅館舉行一連兩場演唱會，獲多位歌手擔任演出嘉賓。日前一眾歌手分批進行綵排，沾Sir親自到場打氣兼敍舊！羅嘉良再見恩師，恭敬地向沾Sir打招呼。
「詞壇聖手」盧國沾（沾Sir）將於明晚及後晚假紅館舉行《歌詞大師盧國沾作品演唱會》。過去數十年，沾Sir過着低調樸素生活，自從最近曝光增加，居於同一幢大廈的鄰居才發現填詞大師沾Sir近在眼前，對其作品甚為讚賞！主辦單位新娛國際負責人丘亞葵坦言從第一日開始要舉行今次演唱會時，已決定專注在沾Sir的歌詞上：「製作重點在於表現歌詞嘅部分，希望歌手可以演繹出原唱嘅味道，畀觀眾好好欣賞沾Sir歌詞嘅精髓。」
合唱關正傑經典
個唱一眾歌手於周一開始已分批進行綵排，沾Sir亦到場打氣，順道敍舊令他開心不已。羅嘉良一到場即恭敬地跟恩師沾Sir打招呼，他透露騷上將與陳秀雯合唱關正傑的《殘夢》：「《殘夢》呢首歌唔可以造作，又要唱得自然，其實唔容易！記得當年我同郭晉安都係沾Sir旗下歌手，佢都提過我哋要學習關正傑唱歌咬字清楚又唔造作嘅韻味，唱起嚟又有餘韻。」陳秀雯則表示今次開心重遇嘉良。
而許廷鏗、鄭俊弘與胡鴻鈞皆表示緊張今次演出，又讚沾Sir填詞厲害，歌詞優美令歌手容易投入當中意境。
文：音樂組