歐陽巧瑩自信反擊：我確係Sexy呀！

一身小麥色性感肌膚的前港姐歐陽巧瑩（Tammy）成為《東網巨星》全新一輯《東網Baby》之「索女玩曬」的最新主角，除了於《東網巨星》及《東網》App外，在東網電視娛樂節目《東網Baby》亦能看到她的Sexy身影！

擁有34C完美Body的Tammy時常於社交網派「朱古力冰淇淋」，卻換來賣弄身材的聲音，但她直言最重要是相片具美感：「我唔介意外界覺得我係靠性感上位，因為我的確係一個性感嘅人呀！唔使刻意去賣弄，好自然骨子裏會散發出嚟，好似鍾麗緹、謝婷婷咁。」她又指亞洲審美觀比起歐洲保守：「好似Rita Ora半裸影封面都冇問題！最緊要係靚同有味道！」

雖然獲封為「咪神」，但她自覺身形仍有不少改善空間：「由細到大喺泳隊操水，胸肌好發達，所以同胸形集中嘅女仔唔同，我胸形係大範圍，周圍都係肉！同埋Pat Pat永遠都係我弱項！」故她經常做腿部運動，希望可練成歐美女性的豐滿翹臀。至於身體最滿意的部分，Tammy原來最喜歡一雙美腿，因睇落夠瘦：「就算上身肥咗啲，淨係露番對腳都會覺得個人幾瘦！」

放大圖片	歐陽巧瑩自言太錫愛犬，搞到反被犬欺。	歐陽巧瑩自言最滿意一雙美腿，但男粉絲一定唔同意囉！

自爆畀愛犬蝦

將為節目再披上三點式泳衣的Tammy，稍後到訪韓國的泥漿節大玩泥漿摔角，她笑說：「同監製傾過決定豁出去，有幾癲玩幾癲！」希望表現真我，令觀眾更了解既性感又有性格的自己。

拍攝當日，Tammy首次帶同芝娃娃愛犬Tado踏足沙灘，非常興奮的Tado玩沙又玩水！問到愛犬平時是否聽教聽話，她笑說：「佢會蝦我囉！因為佢太細隻，犯錯嗰陣打Pat Pat都唔敢好大力，平時佢做錯嘢都係口頭鬧佢。」

Link：http://goo.gl/M4uGKr

文：影視組