阿媽出書爆料麥明詩刪敏感內容
「十優港姐」麥明詩（Louisa）昨日與父親、弟弟到書展為媽媽的新書撐場，自購數十本書的她出錢又出力支持媽咪。Louisa笑言有份做校對，刪除了部分敏感話題：「我都好大方嘅！（刪咗拍拖內容？）少少啦，有啲講到我返到屋企喊，怕尷尬刪咗。（本書睇到你戀情？）都睇到o架，拼埋拼埋都有好大幅圖。（媽咪爆你拍幾次拖？）之前都爆咗喇，冇所謂。」
談到處於冷靜期的男友林作未有到場支持，Louisa說：「佢有幫手校對，畀意見，應該畀番本佢。（約佢食飯？）未諗詳情住。」她又稱晚上搭飛機到巴西做奧運主持，家人會送機，覺得出埠工作是小事，不需男友送機。