趙薇黑中貴氣 范冰冰Nude色壓場

趙薇

全黑裙性感得嚟又唔太誇張，長袖雪紡款式突出今季打扮，佢着出高貴嘅感覺，高衩位若隱若現騷到修長美腿，加埋紅色手袋好搶眼。

范冰冰

好有壓場感，闊裙襬離遠三丈已經見到，一個Nude色望落去幾舒服，Pattern上都幾突出，成個感覺印象深刻。

舒淇 簡單修長

黑白連身裙感覺好乾淨簡單，一對耳環同一條頸鏈效果已好突出，有啲Details位露到膊頭位，甚至見到線條好修長。

范冰冰	舒淇	袁姍姍

袁姍姍 奇怪論盡

有啲嚇人，誇張得嚟唔討好，手袖設計好怪。腰位Cutting着得佢好肥好「論盡」，同埋白色Highlight令成件衫感覺太多嘢。

張儷

郭慶彬

張儷 紋身扣分

好老土，佢停留喺八十年代行紅地氈嘅造型，白色裙好似婚紗款，建議佢着修腰剪裁，效果會更突出。至於大露背位置見到紋身，成個感覺扣晒分。