徐天佑勉勵學生 成績不是一切

藝人徐天佑、許廷鏗、衛蘭、JW、Super Girls及陳婉衡等，前晚在觀塘出席無綫直播節目《apm放榜前的一個晚上》。每逢放榜，徐天佑當年會考零分的成績又會被翻舊帳，對此他笑說：「係啦，好衰囉！不過一世(口架)啦！已經講咗十幾年，冇乜感覺。會考嗰陣仲去出騷，放榜前又走去試鏡，半隻腳踏咗入行，會考都半放棄狀態，成績出咗嚟家姐好嬲。（反面教材？）我唔係話讀書冇用，但成績唔係代表一切，盡咗力就得，依家社會最緊要多動腦筋。」問將來為人父親會否放任子女？他說：「我諗會，老竇都冇乜畀壓力我，或者咁先發展到其他才能，依家嘅小朋友太大壓力。」徐天佑又憶述初出道時，與拍檔黃又南在放榜前逐一致電粉絲，一晚打了數百通電話。