傅穎封胸戒裙避是非

藝人傅穎（Theresa）昨日出席電台訪問，相隔兩年再出散文加寫真集的她將於書展舉行簽名會，但不會穿性感裝束搶鏡：「希望着自己設計嘅T恤。（咁密實？）唔通剪爛佢咩？依家係後生女嘅天下！」曾在書展被怪風吹起連身裙而露底的她，自覺有是非命，但會學習以阿Q精神面對。Theresa又透露男友只買了一本她的書：「仲要係我同佢講好多朋友都認購咗，佢話以為未開賣，之後先去買。」並指男友屆時不會到場。