阮兒把握2nd Chance重拾演員夢

曾於2006年參選港姐的阮兒（Chloe）憑着一身古銅色肌膚，加上33.5C驕人身材及陽光面孔，輕鬆成為新一代女神。在荷蘭長大的Chloe不甘生活平淡，早於18歲「卜卜脆」的階段參選香港小姐，雖然最終沒有得到任何獎項，卻能滿足其好奇心，落選後她沒有返家鄉荷蘭，反而加入無綫藝員訓練班，一嘗當演員的滋味。

短短半年的訓練班課程，頭三個月每日過着早10晚6的學生生活，當中Chloe除了得着演技，更與同學建立真正友誼：「開頭唔係鍾意演戲，細個覺得有嘢學同玩咪試吓囉！但到20幾歲時就覺得要努力啲，玩嘅心態轉變成真係想當係職業，但愈做愈難，同以前想像唔一樣。」久而久之，令Chloe發現事事力不從心，事業不順利，慢慢失去方向，不時反問自己差在哪裏，故毅然決定離開無綫。

荷蘭拍劇衣錦還鄉

其後她轉當跳唱歌手，惟歌手生涯過了兩年便因公司結業而結束，這令Chloe學懂抓緊機會：「原來無綫係咁好，但以前覺得冇機會又學唔到嘢，出走後先知樹大好遮蔭，咁咪邊度跌倒邊度起番身，從此對每樣嘢好認真，依家仲鍾意埋添！」

阮兒	Chloe笑言到荷蘭拍《殭》有衣錦還鄉的感覺。	曾經跌倒，令Chloe更珍惜每一次機會。

談到在《愛‧回家》的演出，阮兒直言很難忘：「好多謝套劇，拍咗兩年，中途加入，觀眾都接受，出街會叫我劇入面嘅名，之後拍《殭》都好好，以前曾經去荷蘭讀書，今次去荷蘭工作，可能因為原因唔同咗，有衣錦還鄉嘅感覺。」

阮兒喜歡海灘，亦非常好動，但原來除了唱歌、跳Hip Hop外，鬼妹仔的她對中國武術也略懂一二！她透露當年就讀無綫藝員訓練班時有功夫訓練：「點都要有幾手傍身嘅！」雖然近年疏於練習，但見她拿起劍及扇耍兩招時仍有板有眼！

阮兒

出生日期：1987年6月27日（29歲）

三圍：33.5C、24、34

身高：1米65

入行經過：2006年香港小姐競選後加入無綫

演出作品：《愛‧回家》、《殭》、《刑警》等

嗜好：唱歌、Jazz Funk、Hip Hop、彈琴、跑步、耍劍

http://goo.gl/rOZCA2

文：影視組　

攝：吳文聰