叫男友「爹哋」黃美棋享受被照顧
藝人黃美棋與男友鍾健威（Ray）愛得癡纏，二人日前到台灣旅行，走訪大小夜市兼潛水暢泳，受訪時更大晒甜蜜，美棋笑言特意為男友計劃驚喜之旅，又Sweet爆指得到男友的細心照顧：「我負責Plan行程，佢負責拎行李同影相，仲照顧晒我所有嘢，幾辛苦！（點照顧？）食飯幫我剝蝦殼，驚我冇水飲又隨身袋定支大水！」
問到是否被Ray當公主一樣對待？美棋搞笑唱反調拆男友台：「佢好似當我女咁湊，我成日叫佢做爹哋！」Ray聞言即被激到紮紮跳，美棋見狀補鑊說：「佢唔止係100分男友，仲係我專用攝影師，同我去旅行日日拎好重嘅相機同腳架，我見到都心疼，或者下次唔影相！」
