方力申同蛙王交換泳褲 唔捨得洗

藝人方力申（小方）、李佳芯（Ali）、郭思琳及陳婉衡昨日到上水廣場出席「《2016 Art of World Sports世界體藝珍藏展》揭幕禮」，郭思琳和陳婉衡都bra top上陣，大騷事業線及纖腰，陳婉衡更大玩透視誘惑，相比之下，露腰兼騷腿的Ali略為失色。之後四人輪流玩乒乓球「滴滴仔」，陳婉衡烏身大騷Big爆上圍，十分吸睛。最後眾人跟新鴻基地產代理有限公司租務部助理總經理（推廣）劉文豪及另一助理總經理廖慧慈等合照。

加入奧運運動員藝術家協會

會上宣布曾參加奧運的前港隊游泳代表小方加入奧運運動員藝術家協會，成為亞洲首位會員，小方對此表示榮幸，又透露珍藏了不少運動選手的物品，還自爆曾跟日本奧運蛙泳金牌選手北島康介即場交換「有味」泳褲：「以前好興，依家未必會做，佢嗰條係平腳泳褲。（咁交換嗰陣乜都冇着？）我有用毛巾圍住，我保守o的，唔記得佢有冇。（事後有冇洗番條褲？）冇呀，咁先叫真正着過，o的波衫都通常唔洗。」問到泳褲可有附送對方體毛？他尷尬地說：「冇留意。」

日本蛙王北島康介曾跟方力申交換泳褲。	放大圖片	李佳芯自認平胸，故不考慮行泳衣騷。

李佳芯自認紙板人

同場的Ali被問到衣着密實會否蝕底？她說：「要有唔同類型先滿足到唔同人，佢哋有sporty，有sexy，我就斯文。」講到夏天有很多泳衣騷，問她可有興趣？她笑言：「暫時冇接過，都冇諗過，其實我係紙板人，就算着咗都未必有效果。同埋我好細膽，嗰時有人叫我選港姐，但我一諗到港姐要着泳衣就冇咗信心。」郭思琳則謂前排有人找她行泳衣騷：「但傾唔啱，睇吓之後仲有冇健康性感o既job。（你底線係咩？）我底線都幾低，電影就可以再低少少，半裸都OK。」

陳婉衡「胸狠」打乒乓球。	郭思琳樂意行性感，自言半裸拍戲都ＯK。	方力申與兩位新鴻基地產代理有限公司租務部助理總經理劉文豪（左三）及廖慧慈（右二）合照。

文：音樂組　

攝：劉斌