呂良偉囝囝割傷腳深見骨
藝人呂良偉與楊小娟的兒子呂善揚，前日在家中被玻璃割傷右腳，身上有兩處傷口，其中右腳腳踭的傷口尤其嚴重，深約一吋，幾近見骨。身在北京的小娟接獲消息心急如焚，昨日接受電話訪問時表示：「我聽工人轉述，當時善揚同小朋友喺屋企玩，唔小心撞到門，再畀跌落嘅玻璃割傷腳，血流如注！但囝囝好冷靜，吩咐工人call白車送佢去公立醫院。善揚打畀我時，仲好生性，同我講對唔住，話搞咗啲麻煩事畀我。」
北京機場 哮喘復發險暈
憂心忡忡的小娟即時越洋安排兒子轉往私家醫院，又立刻買機票，從北京飛越1962公里返港，幸最後撲得一張凌晨三時的機票，怎料在機場又遇上意外狀況：「我一點去到機場，發現成個機場冇開冷氣。我本身有哮喘，所以好唔舒服，覺得吸呼唔到，差啲暈低，身邊人叫我不斷深呼吸，頂咗三個鐘先上到機。喺飛機上空姐見我全身濕晒、面又紅，都問我咩事，叫我平躺。我估唔到連首都機場都會發生啲咁嘅情況！」小娟坦言當時差點支持不住，但為見兒子才硬撐下來。由接到電話到返港後，小娟也一直憂心得不能成眠。
而呂良偉一完成北京工作，昨晚即趕回港探望兒子，幸好善揚做過手術後，醫生確定沒有傷及神經，是不幸中的大幸。
文：名人組