藝人黃美棋日前於網上晒出與男友鍾健威到台灣旅行玩「人肉打觔斗」的片段，二人分別於十二個地方拍下情侶打觔斗片段，美棋更一度差點頭撞男友下體，令鍾健威急忙掩實「小威」，畫面爆笑！事後美棋受訪時強調冇撞痛男友，又笑言對方獲網民讚好腰力：「當時我企唔穩先差啲撞到佢，仲被佢問我『想點呀！』」她表示不想只拍普通遊記照，才搞搞新意思拍片紀念：「大家唔好學，我哋受過專業訓練。」