孫慧雪開完餐影相逼人執牙罅
藝人孫慧雪（雪雪）及許珮榆（Diva）昨日性感出席遊戲機活動，雪雪力谷33C上圍對撼「Y字波」Diva！雪雪自爆寫真極少執相：「我求攝影師幫我執瘦啲同執走黑眼圈，佢都唔肯！」更預告加印寫真滿足粉絲。
孫慧雪及許珮榆昨日以性感賽車女郎造型亮相遊戲機活動，雪雪於遊戲環節谷盡33C上圍對撼晒出「Y字波」的Diva！早前推出寫真大受歡迎的雪雪，對於有網民指其寫真集看似較少「執相」，她說未做到「零P圖」，又搞笑稱要人幫手執走相中牙縫的薯片碎：「我求攝影師幫我執瘦啲，同執走黑眼圈，佢都唔肯。不過我影相前食薯片，薯片攝牙縫就逼佢幫我執。（有網民話寫真影得冇真人咁靚？）咁我好開心，可能影寫真時多數係我拍完劇再影，會攰少少。（再影多一本？）講咗一本就一本喇。」她又預告加印寫真：「上次有fans搵我話商場好早截龍，到場都買唔到。」
慶生唱到聲沙
前日牛一的雪雪因凌晨唱K以致聲沙，又感謝賴慰玲、楊潮凱等為自己慶生，最開心是Fans送上手摺幸運星生日禮物。問到有沒有人趁生日向她表白？雪雪自嘲冇人追：「我有顆恨嫁嘅心，嫁得出就嫁！（咩條件？）錫我同家人，心地好！」
至於已入選ViuTV選美節目《美選D.n.A》的o靚模Diva，對於有指她育有一子、在夜場工作等傳聞，一一否認：「我冇生過小朋友，以前男友有個仔，我哋一齊住，佢都嗌我媽咪。以前男友鍾意去夜場玩，我同佢一齊去所以可能被誤會。我成日夜蒲，依家年紀大就冇去。（傳你有涉毒惡習？）我最憎人吸毒。」
文：影視組