坤坤勇救「恩人」陳潔靈
歌手吳業坤昨日為下月10日在紅館舉行的《SUMMER POP LIVE IN HK香港夏日流行音樂節2016——KWANGOR LIVE IN HONG KONG演唱會》舉行記者會，坤媽大方上台為兒子打氣，演唱會統籌及策劃香港演出業協會主席陳淑芬則送上大籠燒賣，而當年任無綫《超級巨聲2》評審的陳潔靈大讚他唱功有進步，並笑說：「好彩當日冇叮走你，你係好材料！」更以其「起霧眼鏡」開玩笑：「特登配咗副眼鏡襯你，下次可以搵我做嘉賓，我可以做棋！」大合照後，站在前排的陳潔靈失平衡險仆倒，坤坤即上前攙扶，還搞笑地做出跪拜動作。
變身麻甩車房仔
談及門票銷情，坤坤說：「知道賣咗9成，鬆一口氣，冇辜負支持我嘅人。（歌衫有冇突破？）交畀設計師諗。（條褲再窄啲？）唔好喇！怕大家掛住望，唔聽我唱歌。」
另外，坤坤在英皇電影《幸運是我》中飾演車房仔，一改「偽毒」形象的他戴上頭箍及透明框眼鏡，滿面污漬又飲啤酒，而他對其麻甩形象亦相當滿意：「作為一個演員，為電影可以做任何嘢。」
