楊思琦JC血腥被虐累香香處女作捱剪

岑麗香憑多套人氣劇集穩佔視圈「姐仔」地位，事業發展順暢，可惜其首部擔正的電影《辣警霸王花》卻「唔多順暢」，原定去年9月上映，連海報都已拍攝妥當，卻因思琦與JC一場虐殺戲，以致未能獲得內地批文！幸幾經刪改後，電影最近終於通檢，並定於今年9月「見天日」！

肉緊追問映期

等足一年的香香知道處女作上映有期，當然很開心，她笑說：「我哋一班演員好好感情，真係好想套戲可以快啲上，所以之前都一直問住！（因為暴力鏡頭而攞唔到批文？）呢部戲個個都好落力去拍，好多場戲都打得好厲害，所以我唔會覺得意外，依家可以上真係好開心！」

岑麗香	以三點式「受死」的JC，驚嚇得來不失香艷。	監製黃永鋒為思琦披毛巾，以免她冷親。

望保留墮樓戲

思琦則為落力演出的戲份被刪剪感可惜，因她拍攝時搏到盡：「好多戲都要吊威吔，其中一場我喺三樓跌落嚟，希望冇刪，因為我真係用盡所有力氣去演！」片中，她與JC均在泳池邊被虐殺，二人都以比堅尼Top上陣，思琦笑言很感激監製黃永鋒給她機會，而對於香香，思琦更是有讚冇彈，大讚她是一位很可愛的甜姐兒，可惜今次沒有同場戲份。

至於監製黃永鋒亦大讚思琦演出落力，並透露電影在內地上映時會有所修改，但香港版則保持「原汁原味」，故思琦的努力絕不會白費！

文：影視組