李彩華分散袋錢防賊
李彩華熱捧葡萄牙球星C朗，更專程到法國睇歐洲國家盃，但旅程中同行友人的財物被盜，令她非常擔心，決定在餘下行程將現金放在身上不同位置，以防萬一！雖然發生不快事，但她覺得不枉此行，皆因能置身現場親身感受歐國盃的熾熱氣氛！
藝人李彩華近年不時穿梭中、港兩地工作搵真銀，為熱捧球壇盛事歐洲國家盃，她不惜放下工作抽空到法國「追星」，追捧葡萄牙球星C朗的風采。她當然也不會放過四處觀光及購物的機會，已前往觀賞里昂的教堂建築和坐摩天輪，飽覽當地怡人景色！
同行友人中招
不過，因同行友人在當地失竊，令她們非常無奈，李彩華說：「依家我都打醒十二分精神，現金都要分開擺，以防萬一！每逢去到人多嘅地方都一步一驚心，步步為營！」她透露下一站會到巴黎盡情購物：「去到巴黎當然要消費吓，都會四圍欣賞名勝！」
睇波似去嘉年華
對於法國對葡萄牙的終極一戰，熱捧葡萄牙球星C朗的她熱切期待，笑言若葡萄牙捧盃，隨時按捺不住衝落球場搵C朗：「不過可能未落場已經畀保安阻止，哈哈！」談到早前四強賽事中葡萄牙大戰威爾斯，有幸親眼看到「愛將」C朗騷球技的她相當興奮，大讚他有實力又型仔！她亦親身支持法國對德國的四強賽事，大讚場內球迷非常熱情：「當地人好熱情，我都有同當地球迷合照，雖然未必全部都係支持同一隊，但大家都係以欣賞球賽為大前提入場，感覺好似去咗嘉年華一樣，氣氛好熱鬧！」
文：專案組