純情美女嘅魔力絕對吸引，一直深得男士歡心，不過喺競爭極大嘅模特兒界，單憑純情係未夠，好似王幼貞咁憑住清純氣質配合火辣身材，散發出強勁魅力，成功俘虜粉絲。
出生於北京嘅24歲王幼貞，天生一副魔鬼身材，38-25-39呢個三圍數字確實上下激凸，縱然未睇過佢嘅寫真，都已經幻想到有幾咁火辣，配合埋迷人嘅樣貌，令人一見傾心，火速喺模特兒界冒起。事實上，佢就讀北京中北英皇演藝專修學院時，已經係男同學眼中嘅女神，其後佢喺北京現代音樂學院修讀音樂同歌藝時，更被網絡節目選為美女校花，2008年佢參加第4屆模特兒大賽獲得新秀獎，從此投身模特兒行列。
阿妹擁有如此出眾嘅外在條件，自然唔會冇人賞識，入行後獲得大量工作機會，喺男士、時裝、汽車及化妝品等雜誌上亮相，甚至擔任封面女郎，同時佢又以嘉賓主持身份現身電視節目。不過講到最為吸睛嘅，莫過於佢嘅寫真集，皆因佢以純情美女形象配合超性感造型示人，可謂天使同魔鬼嘅混合體，難怪佢嘅寫真集甫推出，即時引起哄動。
如果大家嘅焦點僅放喺佢嘅外在美，未免太過膚淺，事關佢個網名相當有趣，試問有幾多個人可以正確讀出「王婉嫕」呢個名字呢？翻開塵封已久嘅字典，原來「嫕」呢個字嘅粵語讀作「翳」，意思係和藹可親，女仔純情加上平易近人，試問邊個男人唔鍾意吖！不過，阿妹嘅性格唔係大家想像中咁純情，尤其係喺感情上佢更會大膽主動出擊。至於擇偶條件，佢喜歡經常引佢笑嘅男仔，而佢亦會好似小鳥依人咁依偎喺對方嘅手臂當成枕頭，緊緊地抱着睡覺，真係好浪漫。
此外，阿妹有時都幾寸，好似佢曾經話：「你以為有錢就能找到女朋友？你以為漂亮就能嫁得好？」仲有：「你不能讓所有人滿意，因為不是所有人都是人。」不過見到佢迷人又可愛嘅表情，即使佢寸寸貢，仍然令人心動。另一方面，佢對粉絲相當貼心，經常透過微博同粉絲互動，又發放自拍性感靚相益街坊，難怪粉絲人數有增冇減啦。
簡介：就算話膚淺都係咁話，王幼貞嘅身材確實養眼，單憑一對激凸雙峰就已經叫人動心，加上渾圓嘅美股，如此火辣身材叫人點可以錯過呢？如果大家覺得佢嘅個性同樣值得發掘嘅話，就唔可以錯過成為佢微博粉絲嘅一分子。
網址：http://weibo.com/fxxk999?is_hot=1
出生地：北京
身高：168cm
三圍：38、25、39
撰文：魂