Lea T.唔興出寫真 社交平台免費睇

斯洛伐克女模Lea T.昨日於香港時裝節為內衣騷任模特兒，示範四套內衣，但不及同場其他女模性感。對此她笑笑口反問：「你哋係咪投訴我？對我嚟講已經好性感。（上圍好似縮水？）冇，都係34C，只係冇push up。」當中有些內衣款式似婚紗，問她結婚時會否想一試？她開玩笑謂：「我結婚當日應該唔會着內衣褲，哈哈！」問到身材不俗的她，可有興趣出寫真？Lea坦言不知香港流行出寫真：「係咪真係有人買？如果大家鍾意睇我嘅相，可以去我嘅社交平台，免費嘅！」