吳雨霏旅行不設防 氹老公食蠔

歌手吳雨霏（Kary）、女星吳千語、藝人胡杏兒及陳瀅等，昨日現身品牌LONGCHAMP活動。Kary自宣布暫別樂壇後首次露面，被傳懷孕的她身形未見肥腫，但就穿上平底鞋，惹來懷孕揣測。對此她說：「唔係有咗，大家太敏感。（着平底鞋喎？）興嘛！」對於停工一事，Kary笑言不少人誤會她退休，不再唱歌，她強調：「我只係今年唔出碟。（係咪停工生仔？）順其自然，入行14年都想休息吓，咁多年一直工作，難得公司又肯放我假。（ready有孕？）順其自然。（有咗嘅話，下年又要停工？）我好彈性，好隨心，冇所謂。（想生仔定女？）我同老公都冇所謂。」她稱之前跟老公到英國、美國及加拿大旅行，享受二人世界。問到旅行時是否不設防造人？她尷尬地說：「冇乜特別，但玩得好enjoy，食吓蠔。（男人食蠔好補？）係我好鍾意食蠔。」

杏兒無悔囧樣再現

至於胡杏兒則透露剛與丈夫到蘇梅島旅行返港，提到她在內地節目《跨界歌王》中獻唱《愛如潮水》，表現差強人意，她坦承：「今次係發揮得唔好，自己好緊張，有少少怯場，首歌揀錯咗。」至於唱歌時七情上面，令囧樣重現，杏兒笑言：「都唔係第一次，我好投入去唱，好難顧住靚唔靚。（慘受批評參加錯咗？）唔會，乜都試吓，參加比賽係希望挑戰自己。（獻醜不如藏拙？）參加完比賽就唔會再唱。（即係決定封咪？）又唔使封咪咁嚴重，我又唔會再出碟。」

杏兒坦承在歌唱節目中揀錯歌，令表現失準。	陳瀅透露男友何猷亨陪麥明詩男友林作到台灣散心。	吳千語

陳瀅放男友陪林作

而陳瀅提到男友何猷亨陪麥明詩男友林作到台灣散心，她笑言：「係呀，兄弟嘅嘢……我有時都會陪女仔朋友，男仔陪男仔，佢哋開心就得。我都有同麥明詩一齊，喺樂小姐（樂易玲）生日會見到，我都有問吓佢拍劇點。」

文：名人組