何浩文暗寸安采妮博上位
前日「鴨王」何浩文（Dominic）被人爆料指兩年前曾暗溝34C上圍女DJ安采妮（Charlie），昨日他在facebook撰文再為自己申辯及暗寸造謠者，力保其陽光大男孩形象。
Dominic先自嘲雖不是巨星，無奈仍難逃被「更低知名度者」抽乾水的噩運：「我已經唔係紅，但都有啲冇名氣、冇人識嘅人想借我上位，同你又唔係熟。」愈講愈的他不開名暗示有人「諗多咗」：「我唔鍾意啲心地醜到上個樣道（度）嘅女仔嫁o架。」更謂最不屑有人以為「偷profile picture、做假對話」就可成功上位，還問對方「知唔知個醜字點寫？丑呀！係醜呀！知唔知咩叫醜丑籌呀？」最後Dominic似有弦外之音對「欲上位者」忠告：「做好啲戲，唱好啲歌，唔好做個冇實力想上位就使橫手嘅人喇，共勉之啦。」之後再post做gym相，留言：「煩還煩，鍛錬（煉）是不能夠停止的」。昨晚Dominic的經理人公司星王朝影視製作有限公司發聲明，指Charlie所說的屬不實，將會保留法律追究權利，並要求她作公開致歉。
至於Charlie昨接受訪問說：「當年我年紀仲細，公開呢件事，唔係博見報，只想講番當時我嘅感受啫。」問之前的「爆料」可擔心遭Dominic的歌迷及朋友炮轟？她說：「唔理啦！」Charlie的經理人陳達仁表現火爆，在Facebook上載短片就Dominic言論逐點還擊，還稱樂意當面對質。