李施嬅 蔡思貝 攬腰祝捷

無綫劇集《純熟意外》眾演員蔡思貝、李施嬅及孫慧雪等前晚齊齊約食飯兼睇大結局，之前傳不和的蔡思貝與李施嬅在場攬晒腰開心合照。無綫昨日公布大結局收視，錄得最高31點（約199萬觀眾人次收看），成為本年度晚上九點半後播映的劇集大結局收視之冠，一眾演員對收視都感滿意。

吳啟華萬歲

缺席的男主角吳啟華見到一班拍檔開心食飯，於微博留言表示不能出席深感遺憾，更揚言回來後再請大家吃一餐，而現時收視報捷，啟華亦坦言很開心，笑言會好好慶祝。日前蔡思貝出席無綫高層樂易玲的生日派對時，被指全程黐實師傅黃秋生，她說：「唔係呀，我黐實張曦雯同楊秀惠，秋生哥話識陳瀅，搞到陳瀅心花怒放！」她又笑稱秋生不知她有份演出此劇，指對方忙於籌備舞台劇，被問會否自薦演出？蔡思貝說：「如果佢要搵我就會搵我(口架)喇！」另外，昨日思貝出席《心理追兇 Mind Hunter》開鏡拜神，透露在劇中有追打戲且與敖嘉年有感情線，暫未知有否親熱戲。

傳不和的李施嬅（左）與蔡思貝約埋睇大結局，仲大方合照。

吳啟華開心收視報捷。（資料圖片）

孫慧雪投降

李施嬅對劇集成績感到滿意，談到日前定欣爆料指有圈中人的太太懷孕，她笑稱希望胡蓓蔚懷孕，望「胡說八道會」的姊妹中「快點大肚」。

今年加入寫真戰的33C孫慧雪，遇上波濤「胸」湧的對手，她說：「打算出寫真時冇諗有咩對手，自己開心就得！鍾意我嘅人係唔會睇我係咩Cup！」她又強調寫真屬「純影集」，亦冇想過對手太強而影響銷情，她笑說：「我都幾廿歲人，年齡又輸，Cup數又輸！朋友叫我送，我話冇得送，一定要畀錢買！」

另外，無綫將於11日開始將凌晨十二點十五分的深夜時段提前至十一點五十分，屆時會播放劇集《使徒行者》。

文：影視組