溫碧霞拍劇賺滿足感

女星溫碧霞（Irene）及游學修等昨日到葵涌出席viuTV處境劇《三一如三》啟動儀式，Irene透露上次拍港劇已是在十多年前的TVB劇《封神榜》中演妲己：「今次再拍因為角色得意，而且導演拍出嚟好似電影，用實景，又成日飛紙仔，場場戲都改，我好似拍緊王家衛咁！（酬勞高？）演戲畀嘅滿足感，係錢買唔到。」至於游學修在其單元中飾演餐廳老闆，談到女友蘇麗珊上載露腰遊南丫島的照片，身材呼之欲出，學修笑言是由他操刀：「佢怪我影唔到全身，鬧咗交。（你有冇嫌佢太性感？）呢樣係自由，佢都出賣咗我，甫咗我張半裸照，反而影相方面永遠都唔啱佢心水。」