今屆港男僅需滿16歲便可參賽，吸引不少年輕一族參加。對於是日港男質素，無綫助理總經理余詠珊昨日接受本報電話訪問時，表示已與61位候選港男見面，由於不乏高質素參賽者，故暫未能決定選多少個晉級：「未知揀10個定20個，因為港姐同港男一齊選，驚觀眾睇太多會眼花繚亂，加拿大嗰邊有6個會返嚟面試，等佢哋辦好工作證先，未知幾時過到嚟。（外景去邊？）未定到，之前講港男係艱苦團，港姐係靚嘅，會係一個天堂一個地獄，今日見佢哋才藝表演唔錯，盡量搵個位畀佢哋表現男性魅力。」據知，王浩信弟弟王瑋彤入圍呼聲甚高。