Arnold 48吋胸肌最爆！
每屆香港先生例必有「筋肉男」！昨日面試中任職健身教練的何梓箖（Arnold）最爆肌，擁46吋胸肌及17吋麒麟臂，初時以低V衫盡情騷肌肉，其後去到電視城見記者時已換上白衫。問到有何撒手鐧？他說：「識少少震波，胸肌擴胸後有48吋。（呢件係戰衣？）平時都係咁着，有本錢、型，咁着OK。（星二代參選係咪威脅？）我未必好突出，想有平台突破吓。」
另一健身教練26歲Kelvin擺「大隻佬」甫士影相，擁47吋胸肌的他亦懂得「震波」。而19歲的學生Bill最愛玩健身，自動波擺晒肌甫士：「我都識少少震波！」21歲的魏祖鵬在內地做健身教練，上月持單程證來港，曾當兵、識武功，身形紮實！
