妙芝搣甩18磅肥師奶翻索

名模歐陽妙芝於1997年參選港姐入行，其後轉做模特兒，憑高挑身材，與陳嘉容和李嘉慧同被封為名模。2004年，於當紅時與生意人方時俊結婚，先後誕下兩子，由索模突變肥師奶。活在幸福當中的她，曾對身形轉變不以為然，加上2014年因婦科病而服用賀爾蒙藥一年多，令體重暴升。今年妙芝停食賀爾蒙藥，改用自然療法，配合健康飲食及勤做運動，終回復苗條。

爬樹受傷封女神

妙芝更接下婚後首個內地時裝廣告代言人工作，於4月在北京植物園取景拍攝，拍攝當日內地著名導演張羅平要求她穿着短裙爬樹，她用雙手支撐身體於半空，狀甚輕鬆，但有苦自己知，因樹幹布滿荊棘，腳底亦被刺傷。不過，當妙芝看到照片時，大感值得：「係我出道以來影過最靚嘅相，我十年冇拍過時裝廣告。我哋影緊相時，有途人行過，話我靚到好似假人咁，我以為自己聽錯，工作人員覆述畀我聽先信。品牌老闆仲叫我做女神，做咗阿媽咁耐，都冇畀人讚過。導演同我講如果我喺呢個年代，應該做到超模劉雯嘅級數，我諗我真係生不逢時，哈哈！」

索爆潮媽 妙芝停食賀爾蒙藥，改用自然療法終回復苗條。	妙芝每星期做五日瑜伽，每晚六點食沙律當晚餐，成功搣甩18磅。	着短裙的妙芝應導演要求爬樹，慘被樹幹上的荊棘刺傷腳。

慘被仔仔彈腳粗

她自言在家中常被兩子取笑肥胖，令其自我形象極低：「兩個仔成日彈我，話我腳粗又肥，頭髮唔可以黑色，一變黑就要我染色，哈哈！依家出去見吓世面，攞番啲肯定感。」談到keep fit心得，妙芝稱現時每晚六時便食晚飯，以沙律為晚餐，每星期會做五日瑜伽，就算去外地旅行也不例外，閒時會行山及跳舞，才成功搣甩18磅。

文：名人組