趙碩之瞞住阿媽做裸模

藝人趙碩之昨日在奧海城出席壽司店活動，自爆會擔任祼體繪畫模特兒：「今晚有個大突破，全祼去畀一個男同學畫祼體畫，我阿媽都唔知。（點解咁做？）之前上戲劇堂，咁樣可以多啲認識自己，可以釋放多啲自己嘅質地出嚟。（露點？）唔會去遮掩，佢係讀戲劇嘅同學，好相信佢嘅才華。（三點盡露？）可能，唔想有規範。（有冇酬勞？）冇，希望可以發放藝術嘅小宇宙，會畫幾個鐘，畫喺件恤衫度。（作品會畀人睇？）Why Not？冇嘢係唔見得人。（尷尬？）唔會，最尷尬係驚有肚腩。（擺乜甫士？）冇刻意去諗。（有乜準備？）要放開自己嘅思想。（會唔會拍全祼戲？）要睇吓今晚嘅經歷先。」