男友受傷停工 泳兒怒斥「兇手」

歌手泳兒昨日以一身黑白露肩裝出席音樂會，並與新加坡樂團合作演出。在新加坡讀書的她表示已多年未有探同學：「好多同學有下一代，問幾時到我，但隨緣啦。」提到髮型師男友Ziv早前與貨車司機搬衣櫃時，不慎被夾爆右手手指，泳兒指該貨車司機希望與他們和解：「但個司機唔覺得自己做錯，仲話唔會畀醫藥費，淨係畀茶錢。我哋都明佢收入唔多，但我男朋友都停工半個月，手對佢工作好緊要，有誠意嘅，你賠幾多都唔係問題！」問可會向司機追究？她則表示要再與男友商量。