敏之宣布有喜，一眾藝人好友開心莫名，紛紛送上祝福。黃長興坦言很感動，指早前跟敏之老公傾偈時，對方直認努力中。
森美：估到啦！之前錄錄吓敏之攞張櫈坐，我問係咪有咗，敏之冇乜答，我即刻明晒！之後出出入入我都會扶住佢，我會做好太監角色！其實我希望佢生女，可以叫我個仔追佢個女！
梁烈唯：恭喜咗佢，要問佢有咩秘方咁犀利，一索得男，快啲過啲料嚟！
陳山聰：之前見面都有祝福佢，好開心上天畀咗佢一份咁好嘅禮物。
