楊怡 杏兒開心向敏之取經
近年圈中不少年過30的花旦陸續結婚，與另一半組織幸福家庭，不過升呢人妻之餘，要升呢人母還待努力。隨着陳敏之宣布有喜，眾女送上祝福之餘，也不忘同聲表示要向老友取經。
楊怡：「我之前都知佢佗B，亦一早祝福咗，想佢生個精靈可愛B仔畀我玩。（幾時到你公布喜訊？）隨緣啦！有機會會向佢取經，唔使刻意嘅，希望佢ＢＢ健健康康，愈佗愈靚啦！真係急不及待想睇佢個B仔個樣，希望可以好快就見到啦！」
胡杏兒：「都係啱啱先知，我知佢一直都想有小朋友，好戥佢開心。（幾時到你？）我自己都想，不過依家工作比較忙，等我工作忙完就會努力，可能到時要問佢啲秘訣，我都傳咗短訊畀佢，好多朋友戥敏之開心，恭喜晒！」
李亞男：「恭喜敏之！戥佢開心，我同祖藍想多一、兩年時間二人世界，之後先再考慮生仔。」